Handknattleiksdeild Víkings hefur samið við Kristján Orra Jóhannsson til loka leiktíðarinnar 2024.
Kristján Orri er 29 ára gamall og leikur í stöðu hægri skyttu og getur einnig leikið í hægra horni. Hann mun ganga til liðs við Víkinga núna í janúar og leika með liðinu út yfirstandandi tímabil sem og tímabilið 2023-2024.
Kristján er gríðarlega reynslumikill leikmaður með yfir 200 leiki í deild og bikar í efstu deild og með yfir 800 mörk. Undanfarin tvö tímabil hefur Kristján leikið í Grill 66-deildinni og var hann meðal annars markakóngur deildarinnar ´20-´21 og valinn besti leikmaður deildarinnar bæði tímabilið ´20-´21 er hann lék með Kríu og ´21-´22 sem leikmaður ÍR.
Áður hefur Kristján Orri m.a. leikið með Akureyri handboltafélagi og Gróttu.
„Það er ljóst að koma Kristjáns er mikill hvalreki fyrir okkur enda frábær leikmaður sem gaman verður að fylgjast með í Víkingsbúningnum,“ segir í tilkynningu frá Víkingi.
Víkingur er í 3. sæti Grill 66-deildar karla með 11 stig eftir níu leiki.
Staðan og næstu leikir í Grill 66-deild karla.
