Viktor Gísli Hallgrímsson og samherjar í Barcelona unnu fjögurra liða mót sem fram fór í Lingen í Þýskalandi í gær og dag. Barcelona vann þýsku meistarana Füchse Berlin í úrslitaleik, 34:33. Vítakeppni þurfti til að knýja fram hreinar línur vegna þess að jafntefli voru ekki tekin gild. Staðan var jöfn, 27:27, eftir 60 mínútna leik.
Eftir því sem handbolti.is kemst næst lék Viktor Gísli í marki Barcelona í um 25 mínútur í leiknum í dag og varði fjögur skot, þar af eitt vítakast. Jonathan Carlsbogard og Timotey N’Guessan voru markahæstir hjá Barcelona með sjö mörk hvor. Mathias Gidsel skoraði níu mörk fyrir Füchse Berlin og var markahæstur.
Elmar Erlingsson skoraði þrjú mörk í fjórum skotum í eins marks tapi Nordhorn-Lingen fyrir Flensburg, 29:28, í leiknum um þriðja sætið á mótinu.
