Viktor Gísli Hallgrímsson, landsliðsmarkvörður, sá til þess að Barcelona vann Íberíubikarinn fjórða árið í röð í dag. Hann varði vítakast frá Jan Gurri leikmanni Sporting í vítakeppni sem varð að grípa til vegna jafnrar stöðu, 31:31, eftir 60 mínútna leik, lokatölur, 35:34.
Orri Freyr Þorkelsson skoraði fimm mörk fyrir Sporting og var næst markahæstur á eftir Francisco Costa sem skoraði sex mörk. Thimothey N’Guessan skoraði níu mörk fyrir Barcelona og Ian Barrufet sjö.
Sporting hefur hreppt silfurverðlaunin í Íberíubikarnum tvö ár í röð eftir að hafa lent í þriðja sæti tvisvar. Fyrsta var leikið um Íberíubikarinn 2022. Tvö lið frá Spáni og önnur tvö frá Portúgal reyna með sér í keppni sem fer fram skiptist í löndunum tveimur. Að þessu sinni var leikið íþróttahöllinni í Matosinhos í úthverfi Porto.
Þorsteinn lék aðeins fyrri hálfleikinn
Þorsteinn Leó Gunnarsson lék aðeins fyrri hálfleikinn með FC Porto í fimm marka sigri liðsins á Ademar León í leiknum um 3. sætið. Honum var vikið af leikvelli í þriðja skipti þegar fjórar sekúndur voru eftir af fyrri hálfleik og kom þar af leiðandi ekkert meira við sögu. Þorsteinn Leó skoraði tvö mörk.
