Frá og með deginum í dag geta lesendur handbolta.is greitt fast mánaðarlegt framlag til að efla starfsemi hans. Hægt er að greiða 990, 1.790, 2.790, 3.990 eða 6.990 krónur á mánuði og er mögulegt að greiða með debet,- og kreditkortum. Má e.t.v. líta á þetta sem áskriftargjald þeirra sem vilja tryggja veru fréttamiðils sem fjallar eingöngu um handknattleik og er opinn allri handknattleikshreyfingunni.
Fyrirkomulag sem þetta hefur rutt sér til rúms víða um heim en einnig hér á landi á undanförnum misserum og árum. Þannig er styrkari stoðum skotið undir rekstur vefjarsins til lengri tíma litið og hægt að tryggja öflugri þjónustu við lesendur.
Þessi kostur mun ekki breyta því að handbolti.is verður áfram opinn öllum, allan sólarhringinn, allan ársins hring.
Á styrktarsíðu.
Með fyrirfram þökkum og kærum handboltakveðjum,
Ívar Benediktsson,
Kristín B. Reynisdóttir,
eigendur og útgefendur handbolta.is.
Upplýsingar um skilmála.
