110 krakkar tóku þátt í fjórðu hæfileikamótun tímabilsins

Hæfileikamótun HSÍ fyrir krakka fædda 2009 fór fram í fjórða sinn á þessu tímabili í Kaplakrika um síðustu helgi. Að þessu sinni voru 110 krakkar boðaðir til þátttöku í æfingum yfir helgina frá 19 félögum.

Börn frá Víði Garði voru í fyrsta skipti boðaðir til æfinganna og stóðu þau sig afar vel. Það er virkilega ánægjulegt að fylgjast með þeirri þróun sem er að eiga sér stað í grasrótarstarfi handboltans á Íslandi en auk Víðis í Garði styttist í að fulltrúar frá Reykjanesi, Ólafsvík, Akranesi og Reyðarfirði verði boðaðir á Hæfileikamótun HSÍ, segir í tilkynningu frá HSÍ sem birti tvær myndir með.