Bjarki Már markahæstur – fjórði efstur frá upphafi

Bjarki Már Elísson varð markahæstur Íslendinga á heimsmeistaramótinu með 45 mörk í sex leikjum, 7,5 mörk að jafnaði í leik. Hann er einnig kominn í fjórða sæti á lista yfir markahæstu leikmenn Íslands á HM frá upphafi með 125 mörk.

HM 2023 – Milliriðlar, leikjadagskrá, staðan

Bjarki Már fór upp fyrir Patrek Jóhannesson í gær. Patrekur skoraði 121 mörk á sínum tíma. Eins fór Bjarki Már upp fyrir Snorra Stein Guðjónsson meðan á mótinu stóð. Snorri Steinn skoraði 112 mörk á HM frá 2003 til 2015.

Bjarki Már vantar ennþá 30 mörk til þess að jafna metin við Alexander Petersson sem er í þriðja sæti með 155 mörk. Guðjón Valur Sigurðsson, 294, og Ólafur Stefánsson, 227, eru í tveimur efstu sætunum.

Sem stendur er Bjarki Már annar í röðinni á skrá yfir markahæstu leikmenn mótsins. Markahæstur er Erwin Feuchtmann frá Chile með 46 mörk, einu fleira en Bjarki Már.
Hollendingurinn Kay Smits er í þriðja sæti með 38 mörk. Jean-Pierre Dupoux, Brasilíu, er fjórði með 35 mörk. Þar á eftir eru Daninn Mathias Gidsel með 34 mörk eins og Miklos Vujovic frá Svartfjallalandi. Gidsel á leik til góða á aðra þá sem taldir hafa verið upp.

Eftirtaldir skoruðu mörk Íslands á HM 2023: