- Auglýsing -

Gísli Þorgeir er efstur á blaði á HM

Gísli Þorgeir Kristjánsson þakkar áhorfendum fyrir stuðninginn á HM. Hann lék einstaklega vel á mótinu. Mynd/Hafliði Breiðfjörð

Gísli Þorgeir Kristjánsson er efstur leikmanna heimsmeistaramótsins í handknattleik þegar mörk og stoðsendingar hafa verið lagðar saman. Slær hann m.a. út stoðsendingakóngi þýsku 1.deildarinnar á síðasta tímabili, Svíanum Jim Gottfridsson.


Gísli Þorgeir er samanlagt með 57 mörk og stoðsendingar, þar af eru þær síðarnefndu 39, þremur fleiri en hjá fyrrnefndum Gottfridsson, þegar litið er yfir tölfræði sex fyrstu leikja hvers og eins á mótinu. Gottfridsson er samanlagt með 55 mörk og stoðsendingar.

Janus Daði Smárason átti næst flestar stoðsendingar íslensku leikmannanna á HM. Mynd/Hafliði Breiðfjörð


Þriðji er Portúgalinn Rui Silva með saman lagt 52 stoðsendingar og mörk. Silva átti 32 stoðsendingar á mótinu en Portúgal er úr leik á móti eins og Ísland. Þjóðverjinn Juri Knorr er fjórði með 31 stoðsendingu eftir fimm leiki. Knorr verður í eldlínunni með þýska liðinu í kvöld gegn Noregi í síðasta leik milliriðils þrjú.


Stoðendingar íslensku leikmannanna á mótinu:
Gísli Þorgeir Kristjánsson, 39.
Janus Daði Smárason, 19.
Ómar Ingi Magnússon, 17.
Viggó Kristjánsson, 13.
Aron Pálmarsson, 10.
Elvar Örn Jónsson, 7.
Kristján Örn Kristjánsson, Donni, 6.
Arnar Freyr Arnarsson, 5.
Elliði Snær Viðarsson, 5.
Bjarki Már Elísson, 4.
Sigvaldi Björn Guðjónsson, 4.
Elvar Ásgeirsson, 1.
Óðinn Þór Ríkharðsson, 1.


Því miður virðist enn sem komið er ekki vera einfalt að finna fjölda stoðsendinga íslensku markvarðanna á mótinu. Þess vegna eru þeir ekki með í upptalningunni hér að ofan.

HM 2023 – Milliriðlar, leikjadagskrá, staðan

- Auglýsing -
- Auglýsing -

Nýjustu fréttir

- Auglýsing -