„Við vorum inni í leiknum frá upphafi til enda. Það er ekki fyrr en í blálokin sem þeir náðu komast fjórum mörkum yfir. Annars má segja að þetta hafi verið tveggja marka leikur í sextíu mínútur,“ sagði Sverrir Eyjólfsson þjálfari karlaliðs Fjölnis í samtali við handbolta.is eftir tap fyrir KA, 27:23, í 16-liða úrslitum Poweradebikarsins í handknattleik karla í Fjölnishöll í gærkvöld.
Fóru illa með færi
„Það var kafli hjá okkur í upphafi síðari hálfleiks þar sem við fórum illa með nokkur dauðafæri sem varð þess valdandi að KA náði forskoti. Eftir það varð leikurinn okkur erfiðari. Við vorum kannski meira í eltingaleik síðustu tíu mínúturnar. Heilt yfir var frammistaðan var viðunandi. Við fengum 27 mörk á okkur en skoruðu kannski aðeins færri mörk en maður hefði viljað,“ sagði Sverrir sem var nokkuð ánægður með sína menn sem eru í toppbaráttu í Grill 66-deildinni á sama tíma og KA leikur í Olísdeildinni.
Fjölnir tapaði naumlega fyrir Víkingi í umspili um sæti í Olísdeildinni í vor.
Ekkert mikið lakari
„Ég vissi að við yrðum í leik gegn KA enda finnst mér ekkert vera með mikið lakara lið en KA. En þetta er niðurstaðan. Hún er svekkjandi. Við drögum af þessum leik og höldum áfram að bæta okkur jafnt og þétt,“ sagði Sverrir Eyjólfsson þjálfari Fjölnis í samtali við handbolta.is í gærkvöld.
Þrjú lið kræktu í sæti átta liða úrslitum
Myndasyrpa frá leiknum.
