Aftur skoraði Einar Rafn flest mörk – KA-maður markakóngur fjórða árið í röð

KA-maðurinn Einar Rafn Eiðsson er markakóngur Olísdeildar karla í handknattleik annað árið í röð. Ekki nóg með það heldur er þetta fjórða árið í röð sem markakóngur Olísdeildar karla er leikmaður Akureyrarliðsins. Óðinn Þór Ríkharðsson skoraði flest mörk í Olísdeildinni leiktíðina 2021/2022 og árið á undan var Árni Bragi Eyjólfsson atkvæðamestur.

Einar Rafn skoraði 151 mark í 22 leikjum, 6,86 mörk að jafnaði í leik. Hann skoraði níu mörkum fleiri en Guðmundur Bragi Ástþórsson úr Haukum. Þriðji á lista yfir markahæstu leikmenn Olísdeildar varð Eyjamaðurinn Elmar Erlingsson sem var samkvæmt upplýsingum tölfræðiveitunnar HBStatz besti leikmaður Olísdeildarinnar.

Fyrir utan að vera markakóngur Olísdeildar tvö síðustu tímabil varð Einar Rafn einnig markahæstur leiktíðina 2015/2016, þá leikmaður FH.

Hér fyrir neðan er listi yfir þá leikmenn sem skoruðu fleiri en 60 mörk í Olísdeildinni sem lauk síðasta föstudag. Úrslitakeppni Olísdeildar hefst á morgun, miðvikudag.

Sjá einnig:

Markahæstu leikmenn Olísdeildar karla 2020/2021.

Markahæstu leikmenn Olísdeildar karla 2021/2022.

Markahæstu leikmenn Olísdeildar karla 2022/2023.

Samantekt á markakóngum KA í gegnum tíðina.

Elín Klara skoraði flest mörk í Olísdeildinni.

Grill 66-deild: Benedikt Emil varð markahæstur.

Grill 66-deild: Ída Bjarklind iðnust við að skora