Grill 66-deild: Ída Bjarklind iðnust við að skora

Ída Bjarklind Magnúsdóttir leikmaður Víkings skoraði flest mörk í Grill 66-deild kvenna sem lauk á dögunum. Hún skoraði 141 mark í 18 leikjum, 7,8 mörk að jafnaði í leik. Ída Bjarklind stakk sér fram úr landsliðskonunum í liði Selfoss, Perlu Ruth Albertsdóttur og Kötlu Maríu Magnúsdóttur, á endasprettinum. Perla Ruth lék 17 leiki en Katla María 16. Hún meiddist í undanúrslitaleik Poweradebikarsins og missti af tveimur síðustu leikjum deildarinnar.

Ída Bjarklind er burðarás í Víkingsliðinu sem náði sínum besta árangri um árabil. Liðið hafnaði í þriðja sæti Grill 66-deildar og vann sér inn sæti í umspilskeppni Olísdeildar. Ída Bjarklind og samherjar mæta Gróttu í undanúrslitum umspilsins. Fyrsti leikurinn verður 11. apríl.

Leiktíðina 2022/2023 varð Ída Bjarklind þriðja markahæst í Grill 66-deildinni en fyrir neðan töfluna með markahæstu leikmönnum er að finna tengla á upplýsingar um markahæstu leikmenn Grill 66-deildar kvenna síðustu þrjú tímabil.

Eftirtaldar skoruðu 50 mörk eða fleiri í Grill 66-deild kvenna:

Sjá einnig:

Ætlaði sér að verða markahæst í deildinni

Markadrottning Grill66-deildar: „Vissi að ég átti góða möguleika“

Sara Katrín skoraði nærri 10 mörk að jafnaði í leik

Elín Klara skoraði flest mörk í Olísdeildinni