Afturelding: Komdu á æfingu

Börn og unglingar á grunnskólaaldri mega æfa íþróttir innanhúss sem utan, með og án snertingar, um þessar mundir. Nokkur félög hafa gert gangskör síðustu daga og vikur eftir að æfingar voru heimilaðar á ný til að laða börn á handboltaæfingar.

Handbolti.is hefur vakið athygli á framtaki nokkurra liða og birtir hér með glöðu geði hvatningu Elvars Ásgeirssonar, leikmanns Stuttgart í Þýskalandi til barna í Mosfellsbæ að prófa að mæta frítt á handboltaæfingar hjá Aftureldingu í desember.