Anton Rúnarsson hefur verið ráðinn yfirþjálfari yngri flokka Vals og tekur við því starfi af Óskari Bjarna Óskarssyni sem ráðinn var á dögunum aðalþjálfari meistaraflokks karla.
Anton mun einnig vera annar tveggja aðstoðarþjálfara hjá meistaraflokki karla og verður þar með hluti af teymi þeirra Óskars Bjarna og Björgvins Páls Gústavssonar. Síðast en ekki síst stendur til að Anton leiki með Valsliðinu á næstu leiktíð.
Fluttur heim
Anton er fluttur heim eftir tveggja ára vera hjá TV Emsdetten. Ekki aðeins þekkir Anton vel til í herbúðum Emsdetten heldur þekkir hann ekki síður til í Origohöll Valsara enda uppalinn hjá félaginu og lék upp yngri flokka félagsins, bæði í hand- og fótbolta. Anton kom heim úr atvinnumennsku árið 2016. Árið eftir varð Valur Íslands- og bikarmeistari. Anton var valinn íþróttamaður Vals árið 2020 og mikilvægasti leikmaður úrslitakeppni Olísdeildinnar vorið 2021 áður en hann fór aftur út til Emsdetten. Vorið 2021 varð Anton Íslandsmeistari með Val.
