Baldur er fyrsti markakóngur ÍR í áratug – fetar í fótspor föður síns

ÍR-ingurinn Baldur Fritz Bjarnason er markakóngur Olísdeildar karla í handknattleik leiktíðina 2024/2025. Hann skoraði 211 mörk í 22 leikjum, eða 9,6 mörk að jafnaði í leik samkvæmt tölfræðiveitunni HBStatz. Baldur skoraði 52 mörk úr vítaköstum. Heildarskotnýting var 58,1%. Næstir á eftir eru Reynir Þór Stefánsson, Fram, og Gróttumaðurinn Jón Ómar Gíslason með 159 mörk hvor.

Fyrsti í áratug

Baldur Fritz er fyrsti ÍR-ingurinn í 10 ár sem verður markakóngur Olísdeildar karla. Áratugur er liðin síðan Björgvin Þór Hólmgeirsson, ÍR, skoraði flest mörk allra í deildinni, 168 mörk. Árið áður var annar ÍR-ingum markakóngur, Sturla Ásgeirsson. Sturla skoraði 136 mörk.

Í fótspor föður síns

Um leið fylgir Baldur Fritz í fótspor föður síns, Bjarna Fritzsonar, sem varð markakóngur Olísdeildar 2010 þá sem leikmaður FH með 149 mörk. Tveimur árum síðar var Bjarni á ný markakóngur með 163 mörk, þá sem leikmaður Akureyrar handboltafélags.

KA-menn síðustu fjögur ár

KA hefur átt markakóng Olísdeildar fjögur síðustu ári á undan. Einar Rafn Eiðsson skoraði flest mörk í deildinni leiktíðirnir 2022/2023 og 2023/2024. Þar áður skoraði Óðinn Þór Ríkharðsson, KA, flest mörk leikmanna Olísdeildar og tímabilið 2020/2021 skoraði Árni Bragi Eyjólfsson, KA, manna mest.

Hlekkur á samantekt yfir markahæstu leikmenn Olísdeild karla er að finna fyrir neðan listann yfir markahæstu leikmenn tímabilsins sem lauk í gær.

Markahæstu leikmenn Olísdeildar karla 2024/2025:

Markahæstu leikmenn Olísdeildar karla 2020/2021.

Markahæstu leikmenn Olísdeildar karla 2021/2022.

Markahæstu leikmenn Olísdeildar karla 2022/2023.

Markahæstur leikmenn Olísdeildar karla 2023/2024.