Úrslitarimman um Íslandsmeistaratitilinn í handknattleik karla hefst í kvöld þegar FH og Afturelding mætast í Kaplakrika. Flautað verður til leiks klukkan 19.40. Auk fyrsta úrslitaleiksins í meistaraflokki verður leikið í dag til úrslita um Íslandsmeistaratitilinn í 3. og 4. flokki kvenna í Kórnum í Kópavogi.
Hálfur mánuður er liðin síðan FH vann ÍBV í oddaleik að viðstöddum á þriðja þúsund áhorfendum í Kaplakrika. Leikmenn Aftureldingar luku rimmu sinni við Val með sigri í hörkuleik á heimavelli Vals á miðvikudaginn, 29:27, og þrjú eitt í vinningum talið.
Allir leikir dagsins verða sendir út á handboltapassanum. Einnig verður viðureign FH og Aftureldingar send út í opinni dagskrá í sjónvarpi Símans.
Leikir dagsins
Olísdeild karla, 1. úrslitaleikur:
Kaplakriki: FH – Afturelding, kl. 19.40.
Úrslitaleikir yngri flokka – Kórinn:
4. flokkur kvenna, kl. 12:
Valur – ÍBV.
4. flokkur karla, kl.13.30:
Valur – FH.
3. flokkur karla, kl. 15:
Afturelding – Haukar.
3. flokkur kvenna, kl. 17:
Valur – Fram.
- Leikirnir verða sýndir í beinni útsendingu á Handboltapassanum.
