Dagskráin: Grótta tekur á móti Stjörnunni

Einn leikur fer fram á UMSK-móti karla í handknattleik í dag. Grótta og Stjarnan mætast í annarri umferð mótsins í Hertzhöllinni á Seltjarnarnesi klukkan 14.

Grótta tapaði naumlega fyrir Aftureldingu á þriðjudagskvöldið, 30:29. Stjarnan lagði HK í fyrstu umferð mótsins 30:27.

Aðgangur að Hertzhöllinni meðan á leiknum stendur er án endurgjalds. Viðureignin verður send út í gegnum Spiideo gegn 4 evru gjaldi, segir í tilkynningu Gróttu sem virðist hafa kastað krónunni fyrir róða.

UMSK-mót karla, staðan og úrslit leikja til þessa.