Elías Már Halldórsson hefur ákveðið að láta af starfi þjálfara norska úrvalsdeildarliðsins Fredrikstad Bkl. í lok þessa keppnistímabils. Þetta kemur fram í tilkynningu hans og félagsins í morgun. Elías Már tók við þjálfun Fredrikstad Bkl. árið 2021 og hefur síðan unnið að mikilli uppbyggingu.
Fimmta sæti og Evrópudeild
Þegar Elías Már tók við þjálfun Fredrikstad Bkl., sem er kvennalið, hafði það ekki verið í hópi átta efstu í norsku úrvalsdeildinni tímabilið á undan. Jafnt og þétt batnaði árangurinn og í vor hafnaði liðið í fimmta sæti norsku úrvalsdeildinni og vann sér sæti í forkeppni Evrópudeildar. Á dögunum tókst Elíasi Má og leikmönnum hans að tryggja sér sæti í riðlakeppni Evrópudeildar en aðeins 16 evrópsks lið vinna sér sæti í deildinni.
Fredrikstad Bkl. hefur ekki gengið sem best til þessa í norsku úrvalsdeildinni og aðeins unnið einn leik í fyrstu sex umferðunum.
Áður en Elías Már flutti til Noregs og tók við þjálfun Fredrikstad Bkl þjálfaði hann m.a. karlalið HK, kvennalið Hauka og var um skeið aðstoðarþjálfari kvennalandsliðsins á tíma Axels Stefánssonar með liðið. Þar á ofan lék Elías Már um árabil með HK, Haukum, Akureyri og fleiri liðum hér á landi auk þess að leika með norskum og þýskum félagsliðum. Þrautreyndur maður á ferð.
