Elín Klara markahæst annað tímabilið í röð

Annað tímabilið í röð er Elín Klara Þorkelsdóttir, úr Haukum, markahæst í Olísdeild kvenna. Elín Klara skoraði 167 mörk, að jafnaði 8 mörk í leik í 21 leik Hauka í Olísdeildinni en keppni lauk í gær. Þórey Anna Ásgeirsdóttir, Val, var næst á eftir Elínu Klöru með 155 mörk. Birna Berg Haraldsdóttir, ÍBV, er í þriðja sæti. Hún skoraði 135 mörk.

Þórey Anna var einnig næst á eftir Elínu Klöru á lista þeirra markahæstu í Olísdeildinni keppnistímabilið 2023/2024.

Eins og áður segir var Elín Klara markahæst í Olísdeildinni leiktíðina 2023/2024. Þá skoraði Elín Klara 143 mörk. Hún varð þriðja markahæst í deildinni keppnistímabilið 2022/2023.

Ekki lét Elín Klara, sem kveður Hauka í sumar og gengur til liðs við IK Sävehof, sér nægja að skora flest mörk. Hún var einnig örlátust á stoðsendingar, gaf alls 111. Næst á eftir Elínu Klöru á stoðsendingalistanum er Embla Steindórsdóttir, Stjörnunni, með 83 sendingar. Elín Rósa Magnúsdóttir gaf 81 stoðsendingu og er í þriðja sæti samkvæmt tölfræðiveitunni HBStatz þaðan sem allar upplýsingar eru fengnar.

Hér fyrir neðan er listi yfir þær 25 markahæstu í Olísdeild kvenna leiktíðina 2024/2025. Heildarfjöldi marka/vítaköst.

Upplýsingar fengnar úr gagnabanka HBStatz.
Fyrir neðan listann er hægt að nálgast lista yfir markahæstu konur Olísdeildar síðustu fjögur ár.

Tengdar fréttir – markahæstar síðustu ár:

Elín Klara skoraði flest mörk í Olísdeildinni

Markahæst í deildinni í fjórða sinn – samherjarnir eiga hlut að máli

Markadrottning Olísdeildar: Geggjað að hafa náð þessu markmiði

Ragnheiður markadrottning – hugsa frekar um nýtingu en fjölda marka