Enn einu sinni héldu Óðni Þór engin bönd

Óðinn Þór Ríkharðsson fór enn og aftur á kostum með Kadetten Schaffhausen í kappleik í kvöld þegar liðið vann slóvakísku meistarana Tatran Presovn 38:30, í A-riðli Evrópudeildarinnar í handknattleik í Schaffhausen í Sviss. Óðni Þór héldu engin bönd. Hann skoraði 13 mörk í 15 skotum. Leikmenn Tatran Presov stóðu ráðalausir gagnvart hinum eldfljóta og leiftursnögga Íslendingi sem lék þá grátt hvað eftir annað.

Besta skotnýtingin

Óðinn Þór hefur þar með skorað 67 mörk í níu leikjum í keppninni og með 79,8% skotnýtingu. Af 30 markahæstu leikmönnum Evrópudeildarinnar er Óðinn Þór með lang bestu skotnýtinguna.

Sem stendur er Óðinn Þór í öðru sæti á lista yfir markahæstu leikmenn keppninnar. Úkraínumaðurinn Ihor Tuchenko er markahæstur með 82 mörk í 10 leikjum fyrir HC Motor.

Kadetten hafnaði í þriðja sæti í A-riðli og mætir sænsku meisturunum Ystads IF HF í 16-liða úrslitum 21. og 28. mars. Aðalsteinn Eyjólfsson er þjálfari Kadetten sem er svissneskur meistari.

A-riðill:
Veszprémi KKFT – Benfica 26:35 (14:17).
Göppingen – Montpellier 27:25 (14:11)
Kadetten Schaffhausen – Presov 38:30 (20:15).
– Óðinn Þór Ríkharðsson skoraði 13 mörk fyrir Kadetten. Aðalsteinn Eyjólfsson er þjálfari Kadetten.

Lokastaðan í A-riðli: