- Auglýsing -
Feðgarnir Halldór Jóhann Sigfússon og Torfi Geir Halldórsson voru andstæðingar á handboltavellinum í gær þegar HK og Fram mættust á í 8. umferð Olísdeildar karla í Kórnum í Kópavogi.
Torfi Geir og félagar í Fram unnu stórsigur í leiknum, 40:29, gegn HK sem Halldór Jóhann þjálfar.
Torfi Geir tók fram handboltaskóna í sumar eftir nokkurt hlé. Hann hafði þá einbeitt sér að fótbolta um nokkurra ára skeið og m.a. reynt fyrir sér í atvinnumennsku sem markvörður en einnig leikið með félagsliðum hér heima.
Fleiri feðgar eru Olísdeild karla um þessar mundir en þeir eru samherjar. Má þar m.a. nefna Bjarna Fritzson og Baldur Fritz Bjarnason hjá ÍR, Sigurstein Arndal og Brynjar Narfi Arndal hjá FH og Eyjamennina Erling Richardsson og Andra Erlingsson.
- Auglýsing -
