Vegna samkomubanns og lokunar á íþróttastarfsemi og líkamsræktarstöðva ætlar Fjölnir að fara af stað með skemmtilega áskorun, eftir því sem fram kemur í tilkynningu frá félaginu.
„Það sem þú þarft að gera er að setja inn færslu með mynd eða myndbandi á Instagram, með þinni útgáfu af Heima-Æfingu og merkja #FjölnirHeima og fylgja @ungmennafelagidfjolnir á Instagram.
Úrslit verða tilkynnt 31. október!
Glæsilegir vinningar eru í boði:
- Fjórar Grettir Power Dry æfingapeysur frá 66 norður
- Tvær úlpur frá New Wave Iceland
- Gjafabréf frá Keiluhöllinni
- Fjölnishandklæði, derhúfur og sængurver
Skilyrði eru að setja inn sitt eigið efni og aðgangurinn þarf að vera stilltur á ‘public’ svo við sjáum þitt framlag! Við hvetjum alla áhugasama til að taka þátt og nota ímyndunaraflið til að sýna frá skemmtilegum æfingum. Það má taka þátt eins oft og maður vill! Dómnefnd velur sex bestu framlögin þann 31. október, einnig verða veitt útdráttarverðlaun fyrir þátttöku.
Við fengum nokkra úr hópi afreksíþróttafólks okkar til að taka sýnikennslu á nokkrum æfingum sem allir geta gert heima við. Æfingarnar má sjá í myndböndunum hér á #FjölnirHeima heimasvæðinu okkar: https://fjolnir.is/felagid-okkar/aefum-heima/ “
