Framundan er Hafnarfjarðarslagur í átta liða úrslitum Poweradebikarkeppni karla í handknattleik. Haukar og FH drógust saman og mætast á Ásvöllum annað hvort sunnudaginn 11. febrúar eða daginn eftir þegar leikir átta liða úrslita fara fram.
Bikarmeistarar Aftureldingar fara til Vestmannaeyja í átta liða úrslitum og eiga við Íslandsmeistara ÍBV.
Dregið var í átta liða úrslit Poweradebikars karla í hádeginu í dag.
Eftirfarandi lið drógust saman:
Valur – Selfoss.
Stjarnan – KA.
Haukar – FH.
ÍBV – Afturelding.
Ekki er útlokað að hnika verði til dagsetningum leikjanna vegna þess að 16-liða úrslit Evrópubikarkeppninnar fara fram 10. og 11. og 17. og 18. febrúar. Sennilegt er að íslenska félagslið komist í 16-liða úrslit en FH, Valur og ÍBV eiga alltént möguleika á því.
Leikirnir eiga að fara fram sunnudaginn 11. og mánudaginn 12. febrúar. Staðfestir leiktímar og leikdagar birtast á vef HSÍ fljótlega.
