Strákarnir í hlaðvarpsþættinum Handboltinn okkar skelltu sér í stúdíóið sitt og tóku upp sinn fyrsta þátt á nýju tímabili. Að þessu sinni kynntu þeir félagar nýjan félaga í hópinn en Kristinn Guðmundsson nú þjálfari í Færeyjum verður með þeim á komandi keppnistímabili. Í þessum fyrsta þætti fóru þeir yfir sviðið í karlaboltanum og fóru yfir helstu breytingar á liðnunum í Olísdeild karla.
Seinni hluti þáttarins fór svo í það að ræða Grill66 deild karla þar sem stærstu fréttirnar eru án efa þjálfararáðning Þórs Akureyri sem greint var frá í vikunni. Þeir félagar ræddu ítarlega hvort Þórsarar væru á réttri leið. Annað spennandi lið í deildinni er Hörður en Ísfirðingar ætla sér stóra hluti í vetur og hafa sótt sér spennandi leikmenn í sumar. Þeir félagar ganga svo langt að spá að lið frá Ísafirði verði í Olísdeildinni tímabilið 2022-2023.
Þá spáðu þeir félagar aðeins í úrslitaleikina á Ólympíuleiknum þar sem þeir spá því að báðar viðureignir eigi eftir að vera gríðarlega spennandi og ráðist á lokasekúndum leiksins.
