Handknattleikssamband Íslands (HSÍ) fær 72,5 milljónir kr úthlutaðar úr Afrekssjóði ÍSÍ fyrir árið 2025 en alls nema styrkir sjóðsins 519 milljónum króna eftir því sem fram kemur í frétt á heimasíðu Íþrótta- og Ólympíusambands Ísland. Hlutur HSÍ er ríflega 12 milljónum króna lægri á föstu verðlagi en vegna ársins 2024 þegar styrkir Afrekssjóðs námu um 512 milljónum kr.
Afrekssjóður úthlutar nærri 85 milljónum til HSÍ
Von um viðbót
Vonir standa til þess að viðbótarstuðningur berist sérsamböndum snemma á þessu ári vegna hækkunar á framlagi ríkisins til ÍSÍ samkvæmt samkomulagi sem gert var 22. nóvember. Samkvæmt því er á framlag ríkisins til ÍSÍ, þar á meðal til afreksmála, að hækka talsvert.
„Framlag ríkisins til Afrekssjóðs ÍSÍ er 392 m.kr. vegna verkefna ársins 2025, en framlagið hefur verið óbreytt frá árinu 2019. Afrekssjóður ÍSÍ er annars fjármagnaður með hlutdeild úr tekjum íþróttahreyfingarinnar frá Íslenskri Getspá samkvæmt ákvörðun Íþróttaþings ÍSÍ,“ segir í tilkynningu ÍSÍ.
Hækkun árið 2025
„Þann 22. nóvember sl. skrifaði ÍSÍ undir samning við mennta- og barnamálaráðuneytið þar sem fram kemur að framlag ráðuneytisins til ÍSÍ hækkar um 637 m.kr. árið 2025 frá fyrra ári vegna innleiðingar á nýju fyrirkomulagi afreksmála sem byggir á áherslum í skýrslu starfshóps um stöðu og réttindi afreksíþróttafólks. Eru væntingar til þess að þetta nýja fjármagn verði fyrsta skrefið í að styrkja verulega umhverfi afreksíþróttastarfs á Íslandi. Verið er að vinna í skiptingu þessa nýja fjármagns miðað við þær áherslur sem koma fram í skýrslu starfshópsins og munu tillögur að skiptingu þess liggja fyrir snemma á nýju ári og stefnt að úthlutun viðbótarstuðnings til sérsambanda ÍSÍ strax í byrjun árs,“ segir orðrétt í tilkynningu ÍSÍ sem nánar má lesa hér.
(letubreyting er gerð af handbolti.is).
Hér fyrir neðan má sjá hvernig 519 milljónum kr. afrekssjóðs er skipt niður á milli sérsambanda:
HSÍ fær hæsta styrkinn úr Afrekssjóði ÍSÍ
HSÍ fær nærri 83 milljónir úr afrekssjóði – framlagið lækkar á milli ára
Afrekssjóður úthlutar nærri 85 milljónum til HSÍ
