Landslið kvenna, skipað leikmönnum 19 ára og yngri, tekur þátt í Evrópumótinu sem fram fer í Rúmeníu næsta sumar, eins og kom fram í fréttum í síðustu viku. Þegar er farið að huga að undirbúningi liðsins fyrir þátttökuna en mótið verður annað hvort í júlí eða í ágúst. Meðal annars hafa verið valdir 20 leikmenn sem verða saman við æfingar á höfuðborgarsvæðinu frá 2. til 6. nóvember 2022.
Þjálfarar liðsins eru Ágúst Þór Jóhannsson og Árni Stefán Guðjónsson. Þeir voru einnig með þennan árgang í U17 og U18 ára landsliðum tvö undangengin leiktímabil.
Leikmannahópurinn:
Alfa Brá Oddsdóttir Hagalín, HK.
Anna Valdís Garðarsdóttir, HK.
Brynja Katrín Benediktsdóttir, Val.
Dagbjört Ýr Ólafsdóttir, ÍR.
Elínborg Katla Þorbjörnsdóttir, Selfossi.
Elísa Helga Sigurðardóttir, Haukum.
Embla Steindórsdóttir, HK.
Hildur Lilja Jónsdóttir, KA/Þór.
Inga Dís Jóhannsdóttir, HK.
Katrín Anna Ásmundsdóttir, Gróttu
Leandra Náttsól Salvamoser, HK.
Lilja Ágústsdóttir, Val.
Rakel Oddný Guðmundsdóttir, Haukum.
Sigurdís Sjöfn Freysdóttir, FH.
Sonja Lind Sigsteinsdóttir, Haukum.
Sylvía Sigríður Jónsdóttir, ÍR.
Thelma Ósk Þórhallsdóttir, KA/Þór.
Thelma Melsteð Björgvinsdóttir, Haukum.
Tinna Sigurrós Traustadóttir, Selfossi.
Valgerður Arnalds, Fram.
Elín Klara Þorkelsdóttir, Haukum, og Ethel Gyða Bjarnesen, HK, æfa með A-landsliði kvenna á þessu tíma og eru þar af leiðandi ekki í U19 ára hópnum að þessu sinni.
