Landsliðskonan Katla María Magnúsdóttir er íþróttakona Ungmennsfélagsins Selfoss 2023 en tilkynnt var um valið á íþróttafólki Selfoss við hátíðlega athöfn í Tíbrá í gærkvöld.
Katla María hefur átt viðburðaríkt ár með Selfoss-liðinu þar sem gengið hefur á ýmsu. Hún var valin í landsliðshópinn sem tók þátt í heimsmeistaramótinu í Danmörku, Noregi og í Svíþjóð í lok nóvember og framan af desember.
Katla María lék sinn fyrsta landsleik í Noregi og skoraði einnig um leið sín fyrstu mörk fyrir A-landsliðið í sigurleik á Grænlandi í keppninni um forsetabikarinn. Katla María var í sigurliði Íslands í keppninni um bikarinn.
Einar Sverrisson var útnefndur handknattleikskarl Ungmennafélagsins Selfoss en varð að lúta í lægra haldi fyrir Agli Blöndal júdómanni í kjörinu á íþróttakarli félagsins.
