- Auglýsing -
- Úlfar Páll Monsi Þórðarson skoraði fjögur mörk í fimm skotum þegar lið hans RK Alkaloid gerði jafntefli við HC Ohrid, 24:24, í fyrsta leik liðsins í úrvalsdeildinni í Norður Makedóníu í kvöld.
- Óðinn Þór Ríkharðsson var markahæstur hjá Kadetten Schafhausen þegar liðið vann Suhr Aarau, 30:26, á heimavelli í þriðju umferð svissnesku A-deildarinnar í kvöld. Kadetten hefur unnið þrjá fyrstu leiki sína í deildinni.
- Ísak Steinsson fagnaði sigri með Drammen á útivelli á Noregsmeisturum Elverum, 34:30, í annarri umferð norsku úrvalsdeildarinnar. Tölfræði leiksins var víst eintóm vitleysa og ekkert að marka. Þar af leiðandi er á huldu hvernig Ísak vegnaði í leiknum. Drammen hefur unnið tvær fyrstu viðureignir sínar í deildinni eins og úrslitakeppnismeistarar síðasta tímabils, Kolstad.
- Tryggvi Þórisson skoraði eitt mark fyrir Elverum sem vann Arendal með yfirburðum í síðustu viku.
- Ryger Stavanger, undir stjórn Elíasar Más Halldórssonar, gerði jafntefli á heimavelli við Tiller í dag, 27:27, í næst efstu deild norska handboltans í karlaflokki. Þetta var fyrsta stig Ryger á leiktíðinni en liðið tapaði í fyrstu umferð. Elías Már tók við þjálfun Ryger Stafanger í sumar.
- Birta Rún Grétarsdóttir skoraði eitt mark þegar lið hennar Fjellhammer tapaði illa fyrir Sola, 47:25, í annarri umferð norsku úrvalsdeildarinnar í dag. Leikið var í Stafangri. Camilla Herrem var markahæst hjá Sola með átta mörk.
Stöðuna í deildum víða um Evrópu þar sem Íslendingar eiga í hlut er að finna hér.
- Auglýsing -
