- Auglýsing -
- Orri Freyr Þorkelsson skoraði fjögur mörk þegar Sporting vann Belenenses, 39:26, á útivelli í 5. umferð portúgölsku 1. deildarinnar í handknattleik í dag. Sporting er jafnt Porto að stigum, hvort lið hefur 15 stig en þrjú stig eru gefin fyrir sigur í deildinni.
- Stiven Tobar Valencia var markahæstur við þriðja mann hjá Benfica í dag með sjö mörk þegar liðið vann SC Horta, 45:22, í fimmtu umferð portúgölsku 1. deildarinnar í handknattleik. Leikurinn fór fram í Lissabon, heimavelli Benfica. Staðan var 22:10 í hálfleik. Benfica situr í 5. sæti deildarinnar með 11 stig af 15 mögulegum.
- Stöðuna í portúgölsku 1. deildinni og í fleiri deildum Evrópu er að finna hér.
- Guðmundur Bragi Ástþórsson skoraði ekki mark fyrir Bjerringbro/Silkeborg þegar liðið vann Skjern, 36:32, á heimavelli í 4. umferð dönsku úrvalsdeildarinnar í dag. Rasmus Lauge, samherji Guðmundar Braga, fór á kostum og skoraði 16 mörk í 19 leikjum auk tveggja stoðsendinga. Bjerringbro/Silkeborg er í fjórða sæti deildarinnar með sex stig eftir fjóra leiki.
- Birkir Benediktsson og samherjar hans í Wakunaga unnu Toyoda Gosei, 31:30, á útivelli í japönsku úrvalsdeildinni í handknattleik í morgun að íslenskum tíma. Wakunaga hefur unnið tvo leiki og tapað tveimur fram til þessa. Toyoda Gosei tapaði sínum fyrsta leik.
- Auglýsing -
