Þegar er farið að skipuleggja undirbúning kvennalandsliðsins fyrir Evrópumótið undir árslok. Ákveðið hefur verið að landsliðið taki þátt í æfingamóti í Tékklandi ásamt þremur öðrum landsliðum í haust eða í byrjun vetrar. Auk þess stendur til að pólska landsliðið komi heimsókn til Íslands áður en Evrópumótið hefst. Fyrirhugaðir eru tveir leikir við Pólverja á höfuðborgarsvæðinu.
Landslið Tékka og Pólverja taka einnig þátt í Evrópumótinu sem hefst 28. nóvember.
Hlé verður gert á keppni í Olísdeild kvenna um eða upp úr miðjum nóvember þegar lokasprettur undirbúnings landsliðsins fyrir EM hefst. Um líkt leyti verður einnig hlé gert á deildarkeppni í kvennaflokki á meginlandi Evrópu þar sem nokkrar landsliðskonur leika.
Flautað verður til leiks á EM kvenna í Austurríki, Ungverjalandi og Sviss 28. nóvember.
Sjá einnig: Ísland verður í þriðja flokki þegar dregið verður í riðla EM kvenna
Ég hlýt að fá nýjan samning eftir þetta
