Uppskeruhátíð handknattleiksdeildar Fylkis var haldin fimmtudaginn 23. maí fyrir iðkendur í 5.-8. flokkum félagsins en það eru krakkar í 1.-8. bekk.
180 krakkar á þessum aldri æfa handbolta hjá félaginu og hafa staðið sig vel í vetur og tekið miklum framförum í handbolta.
Mikið fjör var á uppskeruhátíðinni en eldri iðkendur í samstarfsflokkum Fylkis og Fjölnis tóku þátt í hátíðinni og stýrðu vítakeppni, sáu um hoppukastala sem voru á staðnum og gáfu iðkendum grillaðar pylsur.
Hópmynd var tekin af hverjum flokki með þjálfurum sínum og þá var Ingvar Örn Ákason sem hefur verið yfirþjálfari yngri flokka síðustu ár kvaddur en hann lætur nú af störfum hjá félaginu.
Nú tekur við sumarfrí hjá yngri flokkunum en æfingar byrja aftur í lok ágúst þegar skólarnir byrja. Það er gaman í handbolta og allir velkomnir á æfingar að loknu sumrfríi.
Fleiri myndir er að finna á Facebook-síðu Fylkis.
