Mælir með tveggja vikna hléi

Þórólfur Guðnason, sóttvarnarlæknir, hefur mælt með í minnisblaði sínu til heilbrigðisráðherra að íþróttafélög á höfuðborgarsvæðinu geri hlé á æfingum og keppni næstu tvær vikur. Þórólfur greindi frá þessu á fundi Almannavarna sem stendur yfir.

Sennilegt má telja að reglugerð verði gefin út í framhaldi af minnisblaðinu þannig að nýjar reglur taki gildi frá og með morgundeginum.

Eins og kom fram í frétt handbolta.is þá hittast formenn aðildafélaga Handknattleikssambands Íslands á símafundi klukkan 17 í dag þar sem framhald á keppni Íslandsmótsins verður aðalefni fundarins.