- Auglýsing -
- Arnór Viðarsson, sem var lánaður í gær frá Fredericia HK í Danmörku til Bergischer HC í Þýskalandi, er orðinn löglegur með síðarnefnda liðinu og getur þess vegna verið í leikmannahópnum á morgun þegar liðið mætir Eintracht Hagen í 2. deild þýska handknattleiksins.
- Grétar Ari Guðjónsson varði eitt vítakast þegar lið hans US Ivry tapaði fyrir Dunkerque, 26:22, á heimavelli í 14. umferð frönsku 1. deildarinnar í handknattleik í gærkvöld. US Ivry rekur áfram lestina í deildinni með þrjú stig. Istres er næst fyrir ofan með átta stig. Nantes og PSG eru efst með 28 stig hvort.
- Stöðuna í frönsku 1. deildinni og í fleiri deildum evrópsks handknattleiks er að finna hér.
- Einar Þorsteinn Ólafsson landsliðsmaður í handknattleik skoraði eitt mark og átti eina stoðsendingu þegar lærisveinar Guðmundar Þórðar Guðmundssonar hjá Fredericia HK unnu Kolding, 29:21, á útivelli í 17. umferð dönsku úrvalsdeildarinnar á útivelli gærkvöld. Kolding-liðið hefur verið heillum horfið á leiktíðinni og er í 12. sæti af 14 í deildinni með sjö stig.
- Fredericia HK er á hinn bóginn í þriðja sæti með 23 stig eftir 17 leiki. Liðið er fjórum stigum á eftir GOG og Aalborg sem eiga leik til góða. Aalborg fær Mors-Thy í heimsókn í dag en GOG sækir heim TTH Holstebro, sem Arnór Atlason þjálfari, á morgun í síðasta leik dönsku úrvalsdeildarinnar fyrir HM-hlé.
- Stöðuna í dönsku úrvalsdeildinni og í fleiri deildum evrópsks handknattleiks er að finna hér.
- Auglýsing -
