- Auglýsing -
- Kristján Örn Kristjánsson, Donni, skoraði tvö mörk í átta skotum og gaf eina stoðsendinginu í átta marka tapi Skanderborg AGF í heimsókn til Skjern, 35:27, í þriðju umferð úrslitakeppni átta efstu liða dönsku úrvalsdeildarinnar í gærkvöld.
- Skanderborg AGF rekur lestina í riðli tvö í úrslitakeppninni með eitt stig að loknum þremur leikjum. Aalborg Håndbold er efst með sjö stig, Skjern er með fjögur og Mors-Thy þrjú. Hlé hefur verið gert á úrslitakeppninni vegna landsleikja sem framundan eru. Donni fer með íslenska landsliðinu til Bosníu í dag hvar það leikur í Sarajevo á miðvikudaginn í undankeppni EM.
- Daníel Þór Ingason kom lítið við sögu þegar lið hans, Balingen-Weilstetten gerði jafntefli við Tusem Essen, 28:28, á heimavelli í gær í 2. deild þýska handknattleiksins.
- Balingen-Weilstetten er í fjórða sæti deildarinnar með 36 stig þegar fjórar umferðir eru eftir. Bergischer HC er efst með 50 stig. GWD Minden og Hüttenberg eru næst á eftir með 39 stig hvort.
- Auglýsing -
