- Auglýsing -
- Þorsteinn Gauti Hjálmarsson er í finnska landsliðshópnum sem Ola Lindgren landsliðsþjálfari valdi á dögunum til þess að taka þátt í tveimur leikjum við Slóvaka í undankeppni EM 13. og 16. mars. Gauti hefur verið í finnska landsliðshópnum síðustu árin og gert það gott. Finnska landsliðið tapaði tveimur fyrstu leikjum sínum í undankeppninni í nóvember, gegn Svartfjallalandi og Ungverjalandi. Sama gerðist hjá Slóvökum. Þeir töpuðu einnig tveimur fyrstu leikjum sínum í undankeppninni í nóvember.
- Tryggvi Þórisson og félagar í IK Sävehof gerðu jafntefli við IF Hallby HK, 31:31, á heimavelli í 22. umferð sænsku úrvalsdeildarinnar í gær. Tryggvi skoraði ekki í leiknum. Færeyingurinn Óli Mittún var aðalmaður IK Sävehof eins og oft áður. Hann skoraði átta mörk í níu skotum.
- Lítið fór fyrir Íslendingunum hjá HF Karlskrona í gær þegar liðið tapaði fyrir Alingsås HK, 30:27, á útivelli í sænsku úrvalsdeildinni í handknattleik í gærkvöld. Ólafur Andrés Guðmundsson var ekk í leikmannahópi HF Karlskrona. Dagur Sverrir Kristjánsson var í hópnum en skoraði ekki, átti heldur ekki markskot.
- Phil Döhler var í marki HF Karlskrona í um helming leiksins, varði sex skot, 26,1%.
- Sävehof er ásamt HF Karlskrona og Malmo í öðru til fjórða sæti sænsku úrvalsdeildarinnar með 26 stig eftir 22 leiki að Malmö undanskildu sem lokið hefur 21 leik. IFK Kristianstad og Helsingborg eru í fimmta til sjötta sæti með 25 stig eftir 21 leiki. Ystads IF er efst með 33 stig að loknum 20 leikjum.
Vinsælt lesefni:
- Auglýsing -
