- Auglýsing -
- Guðmundur Bragi Ástþórsson var besti maður TMS Ringsted í gær þegar liðið vann Grindsted GIF, 29:25, í fyrstu umferð dönsku úrvalsdeildarinnar í handknattleik. Hafnfirðingurinn skoraði átta mörk í 11 skotum, þar af skoraði hann þrjú mörk úr vítaköstum. Einnig gaf Guðmundur Bragi tvær stoðsendingar.
- Ísak Gústafsson, sem kom til Ringsted í sumar eins og Guðmundur Bragi, skoraði þrjú mörk í fimm skotum.
- Elvar Ásgeirsson og liðsfélagar í Ribe-Esbjerg byrjuðu leiktíðina með átta marka tapi á heimavelli, 38:30, gegn Sønderjyske. Elvar skoraði þrjú mörk í fimm skotum gaf tvær stoðsendingar. Markvörslu var ábótavant hjá Ribe-Esbjerg og ljóst að Ágústs Elís Björgvinssonar er saknað. Hann er leigu hjá Aalborg Håndbold fram í næsta mánuð.
- Viktor Petersen Norberg og nýir samherjar hans í HC Elbflorenz fengu ekki draumbyrjun í þýsku 2. deildinni í gær. Þeir töpuðu fyrir Bietigheim á heimavelli, 28:24. Viktor skoraði tvö mörk og gaf eina stoðsendingu.
- Dagur Sverrir Kristjánsson skoraði tvö mörk þegar Vinslövs HK tapaði fyrir HK Aranäs, 38:32, á heimavelli í þriðja og síðasta leik liðanna í riðlakeppni sænsku bikarkeppninnar. Eggert Sverrir og liðsfélagar í Vinslövs hafa þar með lokið keppni. Þeim tókst ekki að krækja í sæti í 16-liða úrslitum.
Vinsælt lesefni:
- Auglýsing -
