- Auglýsing -
- Hannover-Burgdorf settist í efsta sæti þýsku 1. deildarinnar í handknattleik í gærkvöld eftir liðið vann nauman sigur á Rhein-Neckar Löwen, 36:35, á útivelli í gærkvöld. Heiðmar Felixson er aðstoðarþjálfari Hannover-Burgdorf. Liðið hefur 37 stig eftir 23 leiki, er stigi á undan MT Melsungen sem tapaði fyrir HSV Hamburg, 42:32.
- Füchse Berlin getur farið upp að hlið Hannover-Burgdorf í kvöld takist liðinu að leggja SC Magdeburg í viðureign liðanna sem fram fer í Magdeburg.
- Arnar Freyr Arnarsson og Elvar Örn Jónsson eru á meðal leikmanna á löngum meiðslalista MT Melsungen og tóku þeir þar af leiðandi ekki þátt í tapleik liðsins í Hamborg í gær. Botninn datt úr leik MT Melsungen í síðari hálfleik í viðureigninni. Staðan í hálfleik var 19:17, HSV Hamburg í vil. Hamborgarliðið skoraði 23 mörk í síðari hálfleik en Melsungen 15 mörk.
- Stöðuna í þýsku 1. deildinni í karlaflokki og í fleiri deildum evrópsks handknattleiks er að finna hér.
- Daníel Þór Ingason skoraði eitt mark þegar HBW Balingen-Weilstetten vann TV 05/07 Hüttenberg, 32:25, á heimavelli í 2. deild þýska handknattleiksins í gær. Balingen-Weilstetten er í fjórða sæti með 29 stig eftir 23 leiki. Hüttenberg hefur einnig 29 stig í þriðja sæti og á leik til góða eins og GWD Minden sem á tvo leiki inni á Balingen. Bergischer HC, sem Arnór Þór Gunnarsson þjálfar við annan mann, er efst með 34 stig eftir 22 leiki.
- Auglýsing -
