- Auglýsing -
- Sænski landsliðsmaðurinn Lukas Sandell flytur á ný til Ungverjalands næsta sumar. Hann hefur ákveðið að taka þriggja ára samningi ungverska liðsins Pick Szeged. Sandell er nú samherji Hauks Þrastarsonar hjá Rhein-Neckar Löwen. Lukas fór til þýska liðsins í sumar frá One Veszprém í skiptum félaganna á leikmönnum.
- Svissneski landsliðsmaðurinn í handknattleik, Manuel Zehnder, hefur samið við danska liðið GOG frá og með næsta sumri. Zehnder er samningsbundinn Evrópumeisturum SC Magdeburg út yfirstandandi leiktíð. Hann hefur ekkert leikið með Magdeburg á þessu ári vegna krossbandaslits í landsleik í upphafi ársins. Vonir standa til þess að Zehnder geti byrjað að leika með Magdeburg snemma á næsta ári.
- Zehnder kom til Magdeburg síðsumars 2024 eftir að hafa þverneitað að fara aftur til HC Erlangen að lokinni árs lánsdvöl hjá Eisenach. Eftir mikið vafstur af þessum sökum keypti Magdeburg Zehnder af Erlangen. Zehnder sló í gegn hjá Eisenach og varð m.a. markahæsti leikmaður þýsku 1. deildarinnar leiktíðina 2023/2024.
Vinsælt lesefni:
- Auglýsing -
