- Auglýsing -
- Sandra Erlingsdóttir skoraði eitt mark þegar lið hennar TuS Metzingen vann TSV Bayer 04 Leverkusen, 35:27, í þýsku 1. deildinni í handknattleik kvenna í gærkvöld. TuS Metzingen hafi undirtökin í leiknum frá upphafi til enda, m.a. 17:12, þegar fyrri hálfleikur var að baki. TuS Metzingen situr í sjöunda sæti deildarinnar með fimm stig að loknum sex leikjum, er stigi á eftir Blomberg-Lippe.
- Dortmund settist í efsta sæti þýsku 1. deildarinnar í gærkvöld. Dortmund vann meistara undanfarinna ára, Ludwigsburg, (áður Bietigheim) 33:28, á heimavelli. Dortmund hefur 11 stig af 12 mögulegum í efsta sæti. Ludwigsburg er í öðru sæti með átta stig eins og Oldenburg og Thüringer.
- Stöðuna í þýsku 1. deild og í fleiri deildum í evrópskum handknattleik er að finna hér.
- Dagur Gautason skoraði tvisvar þegar ØIF Arendal vann Follo á útivelli, 38:26, í norsku úrvalsdeildinni i handknattleik karla í gær. Arendal er í áttunda sæti deildarinnar með sjö stig eftir níu leiki.
- Elías Már Halldórsson fagnaði sigri með Fredrikstad Bkl. í heimsókn til Haslum, 30:21, í úrvalsdeild kvenna í Noregi í gær. Þetta var annar sigur Fredrikstad Bkl í röð í deildinni. Færðist liðið upp í 10. sæti deildarinnar af 14 liðum.
- Arnar Birkir Hálfdánsson skoraði 11 mörk fyrir Amo HK í gær í fjögurra marka tapi liðsins fyrir Alingsås 40:36, í sænsku úrvalsdeildinni í handknattleik karla í gær. Amo er í 11. sæti af 14 liðum með sex stig eftir níu viðureignir.
- Dagur Sverrir Kristjánsson skoraði fjórum sinnum þegar HF Karlskrona tapaði fyrir Hammarby, 35:25, í sænsku úrvalsdeildinni í handknattleik í gærkvöld. Ólafur Andrés Guðmundsson og Þorgils Jón Svölu Baldursson voru ekki í leikmannahópi HF Karlskrona. Phil Döhler var hluta leiksins í marki Karlskrona. Hann varði fimm skot, 31%.
- Karlskrona er í 3. sæti með 11 stig að loknum níu leikjum. Annars er stöðuna í sænsku úrvalsdeildinni og í fleiri deildum evrópsks handknattleiks að finna hér.
- Auglýsing -
