- Auglýsing -
- Þorsteinn Leó Gunnarsson skoraði þrjú mörk í fyrsta sigri FC Porto í efstu deild portúgalska handknattleiksins í gærkvöld. Porto lagði þá Arsenal Clube Devesa, 43:17, á útivelli.
- Einar Bragi Aðalsteinsson skoraði sjö mörk fyrir IFK Kristianstad í eins marks tapi liðsins fyrir Helsingborg, 33:32, í síðari viðureign liðanna í 16-liða úrslitum sænsku bikarkeppninnar í gær. Leikið var í Helsingjaborg.
- Þrátt fyrir tapið í gær eru Einar Bragi og félagar komnir áfram í átta liða úrslit. Þeir unnu fyrri viðureignina örugglega, 40:28, á heimavelli fyrri í vikunni.
- Jón Ísak Halldórsson skoraði eitt mark þegar lið hans, Lemvig, tapaði fyrir Vendsyssel, 27:26, á heimavelli í næst efstu deild dönsku deildarinnar í gær. Lemvig hefur tapað þremur fyrstu viðureignum sínum til þessa á keppnistímabilinu.
- Hinn hálfíslenski Viktor Petersen Norberg skoraði ekki fyrir Elbflorenz þegar liðið vann Potsdam, 32:31, í Dresden í gær í viðureign liðanna í 3. umferð 2. deildar þýska handknattleiksins. Viktor átti tvær stoðsendingar. Þetta var fyrsti sigur Elbflorenz á leiktíðinni.
Vinsælt lesefni:
- Auglýsing -
