- Auglýsing -
- Þorsteinn Leó Gunnarsson skoraði fimm sinnum í 10 marka sigri FC Porto, 35:25, á ABC de Braga í annarri umferð portúgölsku 1. deildinni í gærkvöld. Leikið var í Braga. Porto hefur unnið tvo fyrstu leiki sína í deildinni.
- Óðinn Þór Ríkharðsson lék á als oddi og skoraði sjö mörk, eitt þeirra úr vítakasti, í fjórða sigurleik Kadetten Schaffhausen í svissnesku A-deildinni í gærkvöld. Kadetten lagði RTV Basel á heimavelli, 31:27.
- Arnar Birkir Hálfdánsson og liðsfélagar í Amo HK fengu draumabyrjun í sænsku úrvalsdeildinni í gærkvöld þegar þeir lögðu IK Sävehof sem Birgir Steinn Jónsson leikur með, 34:32. Leikið var á heimavelli Amo.
- Arnar Birkir skoraði þrjú mörk í sjö skotum, átti þrjár stoðsendingar og var einu sinni vikið af leikvelli.
- Birgir Steinn skoraði tvö mörk í þremur skotum og átti þrjár stoðsendingar.
- Arnór Viðarsson lék með HF Karlskrona í fjögurra marka sigri á Guif, 30:26, á heimavelli í fyrstu umferð sænsku úrvalsdeildarinnar í gær. Arnór skoraði ekki mark en lét til sín taka í vörninni og var einu sinni vikið af leikvelli. Ólafur Andrés Guðmundsson var ekki í leikmannahópi HF Karlskrona.
- Stöðuna í deildum evrópsks handknattleiks þar sem Íslendingar koma við sögu er að finna hér.
Vinsælt lesefni:
- Auglýsing -
