Viggó Kristjánsson landsliðsmaður í handknattleik og leikmaður HC Erlangen. Ljósmynd/Hafliði Breiðfjörð
- Auglýsing -
Viggó Kristjánsson er í liði 3. umferðar þýsku 1. deildarinnar í handknattleik en liðið var kynnt í gær. Viggó skoraði níu mörk og gaf sjö stoðsendingar þegar lið hans HC Erlangen tapaði naumlega á heimavelli, 29:28.
Viggó er næst efstur á lista yfir þá leikmenn sem átt hafa flestar stoðsendingar á keppnistímabilinu. Viggó hefur gefið 14 stoðsendingar til þessa. Daninn Mathias Gidsel er efstur með 17 sendingar.
Elvar Örn Jónsson leikur í fyrsta skipti í Meistaradeild Evrópu þegar Evrópumeistarar SC Magdeburg mætir PSG í heimavelli. Viðureigninin hefst klukkan 18.45 og verður sennilega í útsendingu Livey hér á landi.
Þjóðverjinn Juri Knorr leikur í fyrsta sinn með danska meistaraliðinu Aalborg Håndbold í kvöld þegar danska meistaraliðið mætir ungversku meisturunum One Veszprém í fyrstu umferð Meistaradeildar Evrópu. Knorr kom til félagsins í sumar frá Rhein-Neckar Löwen. Hann hefur verið meiddur í byrjun tímabilsins en virðist nú orðinn hress.
