- Auglýsing -
- Rússneska handknattleikskonan Anna Vyakhireva mun flytjast til danska meistaraliðsins Odense Håndbold á næstu leiktíð. Vyakhireva lýkur þá samningi sínum við franska liðið Brest í Bretóníu en þangað var hún seld fyrir tölvuverða peninga sumarið 2024 frá Vipers þegar forráðamenn norska liðsins réru í örvæntingu lífróður til að halda liðinu á floti.
Vyakhireva seld fyrir metfé frá Vipers til Brest – sumarleyfið ónýtt
- Vyakhireva er örvhent skytta og hefur þótt ein allra besta handknattleikskona Evrópu um nokkurra ára skeið. Koma hennar til Odense Håndbold verður því sannkallaður hvalreki ef af verður.
- Spánverjinn Alex Dujshebaev varð á dögunum sjötti maðurinn til þess að rjúfa 900 marka múrinn í Meistaradeild Evrópu í handknattleik. Dujshebaev hefur leikið með Indurstria Kielce frá 2018 en mun hafa hug á að breyta til næsta sumar.
- Mette Tranborg og Althea Reinhardt verða ekki með danska landsliðinu á HM kvenna í handbolta. Helle Thomsen landsliðsþjálfari staðfesti þetta í gær. Báðar eru þær meiddar og sjá ekki fram á að hafa jafnað sig fyrir átökin sem eru fram undan.
- Tranborg meiddist í vináttuleik Dana og Svía í fyrrakvöld en Reinhardt hefur meira og minna verið frá keppni síðan í september.
- Danir unnu leikinn við Svía, 35:23.
- Thomas Arnoldsen, leikmaður Aalborg Håndbold og danska landsliðsins, leikur ekki með landsliðinu á EM í janúar. Hann meiddist í viðureign Aalborg og Indurstria Kielce á miðvikudaginn eins og handbolti.is sagði frá. Nú hefur verið staðfest að Arnoldsen verði frá keppni í allt að þrjá mánuði en um brot í ofanverðum sköflungi er að ræða.
- Auglýsing -
