„Mig vantar ennþá bikar í meistaraflokki. Það er stefnan að bæta honum í safnið í vetur,“ segir Aron Pálmarsson nýr leikmaður FH í glæsilegri auglýsingu sem FH hefur búið til vegna heimkomu eins fremsta handknattleiksmanns heims.
Aron leikur sinn fyrsta leik á Íslandsmótinu í handknattleik klukkan 19.30 á morgun í Kaplakrika þegar FH mætir Aftureldingu í fyrstu umferð Olísdeildar karla.
Bestu árin eru framundan
„Það er þannig – mín bestu ár eru framundan. Þannig lít ég á þetta. Ég ætla að verða betri á næsta árum en ég hef sýnt,“ segir Aron m.a. en í myndbandinu er honum fylgt af skólavellinum og inn í Kaplakrika.
Óhætt er að segja að auglýsingin auki enn meira á eftirvæntingu og spennu sem ríkir, ekki bara á meðal FH-inga, heldur handboltaáhugafólks yfir komu Arons Pálmarssonar í íslenska handboltann.
Leikjdagskrá Olísdeilda.
Handboltinn heim í stofu.
