- Auglýsing -
- Auglýsing -
- Auglýsing -

Handboltinn heim í stofu

Guðmundur B. Ólafsson, formaður HSÍ, Frosti Ólafsson, forstjóri Olís og Eyrún Hund Harðardóttir, markaðsstjóri Símans á kynningafundi HSÍ á Grand Hótel í gær. Mynd/Kristján Orri Jóhansson
- Auglýsing -

Fréttatilkynning frá Símanum vegna útsendinga frá Íslandsmótinu í handknattleik.

HSÍ og Síminn hafa tekið höndum saman og mun Síminn verða tæknilegur samstarfsaðili HSÍ svo hægt sé að njóta Olís deildarinnar í handbolta heima í stofu eða í snjalltækjum um allt land.

Notuð verður nýjasta tækni en HSÍ mun setja upp sjálfvirkar myndavélar sem nýta gervigreind og taka upp leikina og sjónvarpskerfi Símans tekur við útsendingunni og færir heim í stofu í myndlykil eða Sjónvarp Símans appið.


Í hverri viku verður einn leikur í Olís deild karla og kvenna í opinni dagskrá í Sjónvarpi Símans með ítarlegri umfjöllun en allir leikir tímabilsins verða sendir út í beinni útsendingu. Í fyrsta sinn er íþróttasamband á Íslandi að stýra sjálft sínum útsendingarrétti með völdum samstarfsaðilum en Síminn mun sjá um dreifingu á Olís deildinni ásamt gjaldfærslu og mun þessi nýja nálgun opna á áður óþekkta möguleika í íslenskum handbolta. Þannig mun verða hægt að nýta innviðina sem HSÍ hefur sett upp til útsendinga úr neðri deildum sem og leikjum yngri flokka sem mun aðeins styrkja og styðja við félögin, iðkendur og aðdáendur handbolta á Íslandi.

Ný og fersk náglun

„Við erum mjög spennt fyrir þessu verkefni með HSÍ. Það er ný og fersk nálgun á sjónvarpsútsendingar að íþróttasamband sjái sjálft um sína íþrótt og njóti ávaxta þeirrar vinnu með beinum hætti. Hlutverk Símans sem dreifingaraðili er að koma þessu efni til áhorfenda með sem bestum hætti en HSÍ sér um dagskrárgerðina og upptökur á leikjum. Okkar fólk er að vinna hratt þessa dagana svo allt verði klárt eftir stuttan undirbúningstíma og við því viðbúin að það verði einhverjar hraðahindranir í fyrstu útsendingunum sem að við leysum með HSÍ og þeirra samstarfsaðilum,“ segir Birkir Ágústsson dagskrárstjóri innlendrar dagskrár hjá Símanum.

Hvað er þetta?

Hér fyrir neðan er hljóðritað viðtal sem handbolti.is tók við Róbert Geir Gíslason framkvæmdastjóra HSÍ gær þar sem hann segir frá verkefninu sem ráðist hefur verið í m.a. með samvinnu við Símann og Olís og verður hleypt af stokkunum á fimmtudaginn þegar 1. umferð Olísdeildar karla hefst.


Leikjadagskrá Olísdeilda.

HSÍ boðar stórtækar breytingar í sjónvarps- og útbreiðslumálum

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -