- Auglýsing -
- Auglýsing -
- Auglýsing -

Handkastið: HSÍ hefur selt gagnaréttinn til erlendra veðmálasíðna

- Auglýsing -

Handknattleikssamband Íslands, HSÍ, hefur selt veðmálarétt að Íslandsmótinu í handknattleik til erlends fyrirtækis. Þetta kemur fram í viðtali við Róbert Geir Gíslason framkvæmdastjóra HSÍ í nýjasta þætti hlaðvarpsþáttarins Handkastið sem kom út í kvöld og er m.a. aðgengilegur hér fyrir neðan.


Róbert segir að gjörbreyttur háttur á útsendingum frá Íslandsmótinu í handknattleik opni m.a. fyrir möguleika að selja réttinn eins og m.a. hefur verið gert í fótboltanum. Tekjurnar séu ekki miklar í upphafi en hjálpi til við breytingar á útsendingamálum handknattleiksins hér á landi.

„Í þessu felst að gagnaréttur eða streymi frá leikjunum er seldur til erlendra veðmálasíðna. Um leið og allir leikir verða teknir upp í efstu deildum þá opnast möguleiki á að koma þessum rétti í verð. Þótt ekki sé um háar upphæðir að ræða þá vegur þetta allt saman þegar dæmið er gert upp,” segir Róbert.

Róbert fer mjög ýtarlega yfir hvaða háttur verður hafður á varðandi útsendingar frá handknattleiknum á komandi leiktíð i samsarfi við Símann og hvernig áhugafólk getur nálgast allar útsendingar frá leikjum meistaraflokka karla og kvenna og 3. og 4. flokks karla og kvenna á einum stað.

Viðtal Handkastsins við Róbert hefst eftir klukkustund og 30 sekúndur. Smellið á örina til þess að opna fyrir þáttinn.

Hægt er að hlusta á þáttinn á öllum helstu hlaðvarpsveitum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -