„Ég er mest svekkt yfir hvernig við komum inn í leikinn. Við héldum ekki planinu okkar varnarlega. Fyrir vikið unnu Haukar alltof margra stöður maður gegn manni. Eitthvað sem við höfum verið sterkar í,“ sagði Eva Björk Davíðsdóttir hin leikreynda handknattleikskona Stjörnunnar í samtali við handbolta.is eftir 13 marka tap á Ásvöllum í kvöld, 36:23, í fyrsta leik liðanna í úrslitakeppni Olísdeildar kvenna.
„Við höfum byggt upp góðan varnarleik sem erfitt hefur verið að brjóta á bak aftur.
Vonbrigðin voru þau að ná ekki að spila fyrri hálfleikinn betur svo að leikurinn væri lengur jafn,“ sagði Eva Björk ennfremur en Stjörnuliðið hefur á leiktíðinni reynst Haukaliðinu erfitt.
Næstu leikur liðanna verður í Mýrinni á mánudagskvöldið. Þá fá Eva og samherjar tækifæri til þess að svara fyrir sig.
Lengra myndskeiðsviðtal er við Evu Björk efst í þessari frétt.
