U17 ára landslið karla í handknattleik lagði pólska jafnaldra sína, 23:18, í fjórðu og síðustu umferð riðlakeppni Opna Evrópumótsins í handknattleik í Gautaborg í kvöld. Yfirburðir íslenska liðsins í leiknum voru talsverðir því liðið var m.a. með sjö marka forskot að loknum fyrri hálfleik, 15:8.
Íslensku piltarnir unnu þrjá leiki af fjórum í riðlakeppninni. Eina tapið var fyrir Svíum í morgun. Í gær vann íslenska liðið Letta og Eistlendinga.
Milliriðlar hefjast
Næsti leikur verður gegn franska landsliðinu í milliriðlakeppni mótsins klukkan 10 í fyrramálið að íslenskum tíma. Hægt verður að fylgjast með endurgjaldslausu streymi frá leiknum á EHFtv.com.
Mörk Íslands: Harri Halldórsson 3, Jónas Karl Gunnlaugsson 3, Ágúst Guðmundsson 3, Max Emil Stenlund 3, Daníel Bæring Grétarsson 2, Antoine Óskar Pantano 2, Þórir Ingi Þorsteinsson 2, Jens Bragi Bergþórsson 2, Dagur Árni Heimisson 1.
Óskar Þórarinsson og Sigurjón Bragi Atlason eru markverðir íslenska landsliðsins. Því miður eru engar upplýsingar um varin skot á upplýsingasíðu EHF.
