Skellt í lás næstu þrjár vikur

Frá og með miðnætti verður óheimilt að æfa og leika handknattleik hér á landi. Þetta er á meðal þess sem heilbrigðisráðherra greindi frá fyrir nokkrum mínútum á blaðamannafundi í Hörpu. Mjög hertar reglur í smitvörnum taka gildi á miðnætti og gilda næstu þrjár vikur.

Bann við æfingum og keppni ríkir jafnt um handknattleik barna og unglinga sem og fullorðinna.

Að hámarki mega 10 koma saman næstu þrjár vikur.

Þar með verða leikir kvöldsins í Olísdeild karla og Grill 66-deild kvenna þeir síðustu að sinni.

Uppfært klukkan 16.50: Leikjum kvöldsins hefur verið frestað.