„Eftir það var komið nóg harpix á boltann og við náðum stjórn á boltanum. Eftir það var aldrei nein spurning um hvort liðið var öflugra. Það var eiginlega smá geggjað að upplifa í frábærri stemningu grænlensku áhorfendanna. Þetta var eiginlega frábær leikur að spila,“ sagði Perla Ruth Albertsdóttir landsliðskona í handknattleik í samtali við handbolta.is í Nord Arena í Frederikshavn í Danmörku eftir 23 marka sigur, 37:14, í fyrstu umferð forsetabikarkeppninnar í handknattleik kvenna í kvöld.
„Markmið okkar fyrir leikinn var að leika af krafti allt til leiksloka. Sýna hversu góðar við erum. Okkur tókst það. Við lékum á fullri ferð allt til enda. Það var alveg sama hver kom inn, allar voru á fullu.
Við vissum að við værum betri og vildum sýna það. Um leið getur það verið ákveðin kúnst að geta sýnt fram á það, detta ekki niður á lægra plan og ljúka leiknum í rólegheitum. Þetta var smá áfylling á sjálfstrauststankinn.
Framundan eru þrír leikir til viðbótar. Þá verðum við líka að vinna til þess að vinna keppnina eins og markmið okkar er,“ sagði Hrútfirðingurinn Perla Ruth Albertsdóttir í samtali við handbolta.is í Nord Arena í kvöld.
Frábær byrjun í forsetabikarnum – stórsigur á Grænlendingum
Þórey Anna setti nýtt markamet á HM
HM kvenna ´23: Forsetabikar: leikir, úrslit, staðan
HM kvenna ´23 – milliriðlar, leikir, staðan
