Ljóst er að íslenska landsliðið leikur fyrst við Grænhöfðaeyjar á miðvikudaginn kl. 17, Svía á föstudag kl. 19.30 og Brasilíu á sunnudaginn, kl. 17. Allir leikir í milliriðli verða í Skandinavium íþróttahöllinni í Gautaborg. Leiktímar voru staðfestir fyrir nokkrum mínútum.
Ísland hafnaði í öðru sæti í D-riðli eftir að Portúgal vann Ungverjaland í kvöld með sjö marka mun, 27:20. Portúgal vann þar með riðilinn á einu marki, endar með þrjú mörk í plús. Ísland er með tvö mörk í plús. Ungverjar með fimm mörk í mínus. Hvert lið fer áfram með tvö stig.
Ef Ungverjar hefðu skorað einu marki meira hefði Ísland orðið í efsta sæti riðilsins og mætt Svíum á sunnudagskvöld í stað föstudagskvölds.
Leikir Íslands í milliriðli í Gautaborg:
Miðvikudagur 18. janúar: Grænhöfðaeyjar – Ísland, kl. 17.
Föstudagur 20. janúar: Svíþjóð – Ísland, kl. 19.30.
Sunnudagur 22. janúar: Brasilía – Ísland, kl. 17.
