Vonir um ungverskan úrslitaleik í Meistaradeild kvenna í handknattleik lifir enn eftir að dregið var til undanúrslita keppninnar í gær. Ríkjandi meistarar í Vipers drógust gegn Györ en liðin mættust í úrslitaleiknum á síðustu leiktíð. Í hinum undanúrslitaleiknum eigast við Esbjerg og FTC (Ferencváros).
Úrslitaleikirnir, Final4, fer fram í MVM Dome höllinni í Búdapest fyrir framan 22.022 áhorfendum 3. – 4. júní. Verður það í annað sinn sem úrslitaleikirnir fara fram í þeirri höll. Ljóst er að andrúmsloftið verður rafmagnað.
Leiktímar á Final4
Undanúrslit:
Kl. 13.15: Györi Audi ETO KC – Vipers Kristiansand.
Kl. 16: FTC – Team Esbjerg.
Úrslitadagur:
Þriðja sætisleikurinn hefst kl. 13.15 og úrslitaleikurinn kl. 16.00.
Nýr bolti
Um leið og dregið var til undanúrslita opinberaði EHF nýjan keppnisbolta sem verður notaður í fyrsta sinn á Final4 og mun svo í framhaldinu verða keppnisbolti leikja deildarinnar á næsta keppnistímabili. Eins og forverinn þá framleiðir Select boltann sem er gulllitaður og hvítur eins og sjá má á myndinni hér að ofan.
